काठमाडौँ, माघ । पशु सेवा विभागका महानिर्देशक डा. विमलकुमार निर्मलले मासु जाँच ऐन २०५५ लामो समयदेखि कार्यान्वयन हुन नसकेकोले अव ऐन कार्यान्वय गर्न पशु सेवा विभाग क्रियाशील भएको बताएका छन् । जन स्वास्थ्यसंग प्रत्यक्ष जोडिएको स्वस्थ मासु उत्पादन र विक्री वितरण समेतलाई ख्याल गरी बनेको सो ऐन कार्यान्वयन हुन नसक्दा उपभोक्ताहरु प्रत्यक्ष मारमा परेको समेत डा विमलले बताए । मासु जांच ऐन २०५५ लाई कार्यान्वय गर्नु अहिले विभाग सक्रिय भएर लागेको बताउंदै उनले सो ऐन कार्यान्वयन गर्नका लागि स्थानीय निकायसंग समेत सहयोगका लागि अपिल गरेका थिए ।
पशु सेवा विभागको एक्लो प्रयासले मात्र ऐन कार्यान्वय हुन नसक्ने भन्दै मासुसंग सम्वन्धित सरोकारवाला निकायहरुको पनि साथ र सहयोगको आवश्यक रहेको उनले बताए ।-धिरेन्द्र बस्नेत
Add Comment