काठमाडौँ उपत्यकाको बजारमा तरकारीको अभाव

काठमाडौँ, १५ वैशाख । शनिबार गएको भुकम्पपछि काठमाडौँ उपत्यकाका बजारमा तरकारीको अभाव देखिएको छ । बजारमा हरिया सागसब्जी, आलु तथा प्याज पाउनै मुश्किल परेको छ । उपत्यकामा तरकारीको अभाव हुन नदिनका लागि कृषि तथा तरकारी बजार, वल्खुबाट दैनिक ६०० टनसम्म तरकारी बिक्री हुने गरेको थियो । आज बल्खुबाट ५० टनमात्र तरकारी बिक्री भएको छ । यसलाई थप प्रभावकारी बनाउनका लागि आफूहरुले पहल गरिरहेको तरकारी बजार सञ्चालक पहलमान घिसिङ्ले  बताए । उनले भोलीदेखि बजारमा १०० टनभन्दा बढी तरकारी पठाउने तयारीका साथ काम गरिरहेको बताए । उता कालिमाटी फलफूल तथा तरकारी बजार विकास समितिका उपनिर्देशक बिनय श्रेष्ठका अनुसार खुद्रा व्यापारी तरकारी लिन आएका छैनन् ।