अर्गानिक कृषि फार्म सञ्चालन

उनका अनुसार पहिलो वर्ष नै रु पाँच लाखबराबरको चिराइतो बिक्री हुनुुको साथै सतुवा, किवी, सीतागे च्याउ, अर्गानिक चिया खेतीबाट आम्दानी हुन थालिसकेको छ । करिब डेढ करोड रुपैयाँको लगानीमा सुरु गरेको सो फार्ममा आठ/नौजनाले प्रत्यक्ष रोजगारी पाउनुको साथै ४० जनाभन्दा बढी मौसमी कामदारहरु संलग्न हुने गरेका छन् । उनले सदरमुकाममा एग्रो अर्गानिक क्याफे पनि सञ्चालन गरेर गुणस्तरीय तथा अर्गानिक खाना, खाजा खाने प्रबन्ध मिलाएका छन् । सो ठाउँबाट विभिन्न जातका जडिबुटीका बिउविजन, विरुवाहरुको खरिद विक्री पनि हुने गरेको उनको भनाइ छ । वैदेशिक रोजगारमा जान आतुर युवालाई गाउँमै व्यावसायिक एवम् अर्गानिक कृषि उत्पादन गरी रोजगारीको अवसर प्रदान गर्ने उद्देश्यले आफूले सो फार्म सञ्चालन गरेको राईले बताए ।