सप्तरी, २१ माघ । जिल्ला पशुसेवा कार्यालय सप्तरीद्वारा लौनियाँ गाविसमा सञ्चालित पशु स्वास्थ्य तथा बाँझोपन निवारणसम्बन्धी एकदिने शिविरमा करिब चार हजार पशुको उपचार गरिएको छ ।
सो कार्यालयका प्रमुख काशीनाथ यादवका अनुसार ९०० खसी÷बाख्रा, ८५० गाई÷गोरु तथा ४०० भैँसीलाई खोरेत रोगविरुद्घको खोप दिनुका साथैै ७५ वटा गाई, भैँसीमा रहेको बाँझोपनको उपचार गरिएको छ । यसैगरी ८५० पशु चौपायालाई अन्य रोगको उपचार तथा ५८५ पशु चौपायालाई परजीवी नियन्त्रणका लागिसमेत औषधि दिइएको डा यादवले जानकारी दिए । शिविरमा ७१ वटा गोरुको बन्ध्याकरणसमेत गरिएको थियो
Add Comment