इन्धन अभाव भन्दै संस्थानले दूध नकिन्ने

बुटवल, १६ कार्तिक । ईन्धन अभावको कारण देखाउँदै सरकारी स्वामित्वमा रहेको दुग्ध विकास संस्थानले किसानले उत्पादन गरेको दुध नियमित नउठाउने घोषणा गरेको छ । रुपन्देही, नवलपरासी र कपिलवस्तुका किसानहरुबाट नियमित रुपमा दैनिक दुध संकलन गर्ने गरेको दुग्ध विकास संस्थान लुम्बिनी दुग्ध वितरण आयोजना बुटवलले  तिनदिन लगातार किसानको दुध संकलन नगर्ने गरी ‘मिल्क होलीडे’ सुरु गरेको छ ।  किसानहरुबाट दैनिक १८ हजार लिटर संकलन गर्ने गरेको दुग्ध वितरण  आयोजना रुपन्देहीले अवको केही दिन किसानको दुध लगातार संकलन नगर्ने गरी किसानलाई पत्र समेत पठाएको छ ।