भोजपुर, १५ असोज । भोजपुरको अधिकांश गाउँ तथा बजारमा रुद्राक्षको नयाँ कारोबार सुरु भएसँगै किसानको आम्दानी बढ्दै आएको छ । स्थानीयका अनुसार अघिल्लो वर्षको तुलनामा रुद्राक्षको मूल्यमा गिरावट आएपनि एकै परिवारले एक वर्षमा रु एक करोडसम्म बिक्री गर्ने गरेका छन् भने अधिकांश व्यापारीले त किसानको बगैँचा नै ठेक्का लिने गरेका छन् । केही वर्ष अघिसम्म भारतका व्यापारीले ठुलामुख भएका रुद्राक्षको माग गर्ने गरेका थिए तर तीन वर्षयतादेखि चिनियाँ व्यापारीले चार, पाँच र छ मुखे रुद्राक्षको समेत माग गर्न थालेपछि आम्दानी लिनथालेको उनीहरुको भनाइ छ ।
बारीमा खेर जाने रुद्राक्ष बिक्री गरेर घर खर्च टार्नुका साथै बचतसमेत गर्ने गरेको कुलुङ्ग गाविस–४ का किसान अकलबहादुर राईले बताए नयाँ रुद्राक्ष निस्किएपछि जिल्लामा यो सातादेखी कारोबार सुरु भएको व्यापारी काजी तामाङ्गले बताए ।
Add Comment