भैँसीको गोबर तथा घरायसी फोहोरबाट बैकल्पिक ऊर्जा उत्पादन

गोल्डमाइन्ड बायोग्यास इनर्जी कम्पनीका प्रबन्धक लेखबहादुर खड्काका अनुसार बायोग्यासको प्रयोगबाट दुषित वातावरण हटने भएकाले यसको प्रयोगमा बढोत्तरी आएको छ । जिल्लामा बायोग्यास विस्तार हुँदै गइरहेको छ । अहिलेसम्म जिल्लामा सात सयदेखि आठ सय घरमा बायोग्यासको प्रयोग गरिएको छ । दाउरा तथा मट्टितेलको प्रयोगबाट वातावरणलाई प्रतिकूल असर गर्ने कार्वनडाइअक्साइड ग्यास बढी निस्कने भएकाले त्यसलाई निरुत्साहित पार्न गोबरग्यासको प्रयोग गर्नु आवश्यक देखिन्छ । अहिले नेपाल सरकारअन्तर्गतको बैकल्पिक उर्जा प्रवद्र्धन केन्द्रले विश्वव्यापी रुपमा कार्वन उत्पादनमा कमी आउने बैकल्पिक उपाय अपनाएर कार्वन बिक्री गरेबापत आउने रकम गोवरग्यासका लागि प्रयोग गर्दै आइरहेको छ ।
काठ दाउरा तथा इन्धनको प्रयोगबाट विश्वमा कार्वनको उत्पादन बढी भएर मौसम परिवर्तन हुँदा विश्वलाईनै असर गरेको भन्दै विश्वव्यापी रुपमा कार्वनको बिक्री सुरु गरिएको थियो । सोही अनुसार नेपालले पनि कार्वनको बिक्री गरेर आएको पैसालाई बैकल्पिक ऊर्जाका क्षेत्रमा लगानी गर्दै आइरहेको छ । गोवरग्यास निर्माणका लागि बैकल्पिक ऊर्जा प्रवद्र्धन केन्द्रले अनुदानसमेत दिँदै आइरहेको छ । घर–घरमा चार, छ र आठ घनमिटरका गोबरग्याास प्लान्ट निर्माणका लागि सरकारले अनुदान दिने गरेको छ ।
गोबरग्यासका लागि गाई–भैँसीको गोबरबाहेक शौचालयको समेत प्रयोग हुन थालेको छ । ग्यास गन्धरहित हुने र शौचालयको प्रयोगबाट कुनैपनि नकरात्मक असर नपर्ने भएकाले यसको प्रयोग बढाउन सक अझै बढी ग्यास उत्पादन गर्न सकिने खड्काले बताए ।
चार घनमिटरका लागि रु २० हजार, छ घनमिटरका लागि रु २५ हजार र आठ घनमिटरका लागि रु ३५ हजार अनुदान प्राप्त हुँदै आएको छ । एउटा गोबरग्यास प्लान्ट निर्माण गर्न रु ६० हजारदेखि रु ८० हजारसम्म खर्च हुन्छ । बागलुङमा केन्द्रीय कार्यालय रहेको कम्पनीले अहिले जिल्लाका भकुण्डे, पैयुपाटा, तित्याङ, सिगाना, रेश, लेखानी, पाला, हटिया, बुर्तिवाङ र बागलुङ नगरपालिका क्षेत्र, म्याग्दीका बाबियाचौर, ताकम, पर्वतका फलेवासलगायत गाविसमा सरकारी अनुदानमा गोबरग्यास निर्माण गरिरहेको छ ।
गोबरग्यासको प्रयोगबाट पैसा तथा समयको बचत हुने, स्वास्थ्यमा सुधार आउने, उच्चकोटीको मल उत्पादन हुने गोबरग्यास प्रयोगकर्ता तुलसी शर्माले बताभैँसीको गोबर तथा घरायसी फोहोरबाट बैकल्पिक ऊर्जा उत्पादन । दाउरा खोज्ने झन्झटबाट मुक्ति हुने, ग्यास, मट्टितेलको प्रयोग गर्दा बढी पैसा खर्च हुने भएकाले खर्च कटौती समेत भएको छ । सुरुमा निर्माण गर्दा बढी खर्च लाग्ने भएपनि पछाडिका दिनमा सहज हुने र समय र पैसाको पनि बचत भएको उपभोक्तहरुको भनाइ छ ।