महिला अल्लोबाट आत्मनिर्भर बन्दै

“सुरुवातमा सफलता मिल्छ कि मिल्दैन भन्ने अविश्वासका बीचमा काम गरियो” मालिका लघुउद्यमी समूहकी अध्यक्ष पानसरा रोकामगरले भने । आम्दानी हुन थालेपछि अन्य महिलामा पनि हौसला जागेपछि कामको थालनी गरेको उनको भनाइ छ । गोठमा सुरु गरेको उद्यमका लागि अहिले विभिन्न निकायबाट सहयोग जुट्न थालेको छ । मेडेपले अल्लो प्रशोधनका लागि रु एक लाख, जिल्ला वनबाट तान खरिदका लागि रु दुई लाख ८० हजार, घरेलु तथा साना उद्योग कार्यालयबाट रु एक लाख, गाविसबाट रु पाँच हजार सहयोग प्राप्त भएको सो समुहले जनाएको छ । समूहले सुरुवातमा रु ५० बचत गरेको भए पनि अहिले मासिक रु १०० बचत गरेर रु ४० हजार रकम जम्मा गरेको छ । “ठूलो उद्योगका रुपमा विकास गरेर लैजाने रोजगार दिने योजना बनाएका छौँ” अध्यक्ष रोकामगरले बताए । समूहलाई सहकारी गठन गर्ने तयारीमा रहेको उनको भनाइ छ । उत्पादन गरेको कपडाको बजार राम्रो पाएका कारण बिक्रीको समस्या छैन । अल्लोको कपडाबाट मासिक रु ३० हजारबराबर कमाइ गर्ने गरेको अध्यक्ष रोकामगरले बताए । हाल समूहसित सात वटा कपडा बुन्ने तान रहेका छन् । समूहको आफ्नै भवन रहेको छ ।