राजनीतिक दलबाटै रोकियो प्रम कृषि परियोजना कार्यक्रम

प्यूठान,पौष । कृषि क्षेत्रको विकास, कृषि उत्पाकत्व बृद्धि एवं व्यवसायिकरणका लागि भन्दै चालु आर्थिकबर्षबाट लागूभएको प्रधानमन्त्री कृषि आधुनिकीकरण परियोजनाको प्रधानमन्त्री पुष्पकमल दाहालले पौष ६ गते कैलालीमा औपचारिक रुपमा उद्घाटन गर्दै छन् ।
जोन, सुपर जोनका रुपमा बाली विशिष्टिकरण गरी उत्पादन बृद्धि गर्ने भनिएपनि धान बालीको जोनका रुपमा राखिएको प्यूठानमा भने राजनीतिक दलहरुको विरोधका बावजुत प्रधानमन्त्री कृषि आधुनिकीकरण परियोजना पहिलो गांसमा नै ढुङा लागेको छ ।
प्यूठान जिल्लाका ८ गाविसमा सो परियोजना लागू भएको थियो । कार्यक्रम लागू भएको गाविसमा कार्यक्रम सञ्चालन गर्नका लागि जिल्लामा कार्यालय समेत स्थापना भईसकेको छ । सो परियोजनाका बारेमा स्थानीय राजनीतिक दलहरुलाई जानकारी गराउने उदेश्यले आयोजनाले आजका लागि लागि तय गरिएको कार्यक्रम राजनीतिक दलहरुको अवरोधका कारण स्थगित गरिएको छ ।
धानका लागि जोनका क्षेत्रका रुपमा रहेको प्यूठानका परियोजना प्रमुख वरिष्ठ कृषि विकास अधिकृत भाष्कर पौडेल शुरुमै कार्यक्रम स्थगित गर्नु पर्दा दुख लागेको बताए । साथै उनले प्यूठानमा सञ्चालन हुन लागेको यो परियोजनाको पहिलो गांमा नै ढुङा लागेको जस्तो बताए । प्यूठान लगायतका जिल्लालाई प्रदेश नं ५ बाट नटुक्रयाउन आन्दोलन चलिरहेका बेला यस्ता कार्यक्रममा औचित्य नभएको भन्दै राजनीतिक दलका प्रतिनिधीहरुले कार्यक्रम स्थगन गर्न चेतानवी दिएपछि कार्यक्रम रोकिएको बताइएको छ ।
सरकारले अहिले मुलुकलाई संघियता लैजानका लागि सिमांकन हेरफेर गर्ने विषयमा विवाद चुलिंदै गएको छ भने प्रदेश नं ५ टुक्राउने विषमा ठूलो विवाद देखिएकाले ती क्षेत्रमा आन्दोलन चलिरहेका छन् । प्यूठानमा जस्तै ५ प्रदेशका अन्य जिल्लामा पनि प्रधानमन्त्री कृषि आधुनिकीकरण परियोजनाका कार्यक्रम स्थगन गर्नु पर्ने अवस्थाको श्रृजना भईरहेको बताइएको छ ।