बारामा ७९ कृषि सहकारीको दर्ता खारेज

Aug 5 • कृषि सहकारी, समाचार

कलैया, साउन । कृषिमा लगानी गर्ने नाममा स्थापित भएका बारा जिल्लाका ७९ वटा कृषि सहकारी संस्थाको दर्ता खारेज गरिएको छ । सहकारी ऐन २०४८ को परिच्छेद १० को दफा ४१ को उपदफा ३ बमोजिम जिल्लामा रहेका सहकारीमध्ये ती संस्थाको दर्ता खारेज गरिएको डिभिजन सहकारी कार्यालय बाराले जनाएको छ ।sahakari
सहकारी ऐन बमोजिम दर्ता भएका ती सहकारी संस्थाले ऐन नियम तथा संस्था स्वीकृत विनियमबमोजिम गर्नुपर्ने कार्य नगरेको र ३१ वर्षसम्म कुनै पनि विवरण नबुझाएकाले ती सहकारी संस्थाको दर्ता खारेज गरिएको डिभिजन सहकारी कार्यालय बाराका कार्यालय प्रमुख कुलोत्तम पोखरेलले बताए ।
गत वर्षसम्म बारा जिल्लामा १० प्रकारका ७११ वटा सहकारी संस्था सञ्चालनमा छन् । तीमध्ये कृषि सहकारी ३६०, बचत तथा ऋण सहकारी २२७, बहुद्देश्यीय सहकारी ५३, साना किसान सहकारी १९, पशुपालन सहकारी १६, दूध उत्पादन सहकारी १५, मत्स्य सहकारी १३, सञ्चार सहकारी चार, उपभोक्ता सहकारी तीन र तरकारी तथा फलफूल सहकारी संस्था एक वटा रहेका छन् ।

Related Posts

Leave a Reply

Your email address will not be published. Required fields are marked *

« »